თანამედროვე ბიზნესგარემოში, სადაც პროცესების ავტომატიზაცია და რესურსების ოპტიმიზაცია კომპანიის წარმატების აუცილებელი წინაპირობაა, კრიტიკულად მნიშვნელოვანია მაქსიმალურად ეფექტიანი ERP-სისტემის ინტეგრაცია. 

‍

მართალია, ERP-სისტემების ბაზარზე არაერთ ცნობილ მოთამაშეს შეხვდებით, რომლებიც მრავალფეროვან პროდუქტებს და სერვისებს ქმნიან, თუმცა ფასის, ხარისხისა და ფუნქციონალის შეფარდებით რთულია Odoo-ს კონკურენტი მოვუძებნოთ.

‍

ამ ბელგიური კომპანიის ისტორია 2005 წელს იწყება, როცა ბელგიელმა ანტრეპრენიორმა, ფაბიენ პინკერსმა ინოვაციური სტარტაპი – TinyERP შექმნა. კომპანია არნახული ტემპით განვითარდა, ხოლო 2014 წელს სახელი გადაირქვა – მას შემდეგ, ის ცნობილია, როგორც Odoo. 

‍

ამჟამად Odoo ბიზნეს-სისტემების ბაზარზე ერთ-ერთი ყველაზე სწრაფად მზარდი და ინოვაციური მოთამაშეა, რომელიც მთელ მსოფლიოში ოპერირებს, სადაც 6,000-მდე თანამშრომელს ასაქმებს. რაც მთავარია, Odoo-ს სერვისებს ყოველთვიურად 16,000-ზე მეტი კომპანია და 15 მილიონი მომხმარებელი იყენებს, მათ შორის ისეთი გიგანტები, როგორებიცაა: Toyota, Sodexo, Decathlon, Louis Vuitton, Carrefour, Qatar Investment Authority და WWF.

‍

მსხვილ კომპანიებთან აქტიური თანამშრომლობის მიუხედავად, Odoo-ს ძირითად აუდიტორიას მცირე და საშუალო ზომის ბიზნესი წარმოადგენს და შეიძლება ითქვას, რომ ბაზრის ამ სეგმენტში კომპანია ფაქტობრივად უკონკურენტოა, რადგან თანამედროვე SME-ები ყველაზე ხშირად სწორედ Odoo-ს სერვისებს ირჩევენ. საერთო ჯამში, Odoo გლობალური ბაზრის 15%-იან წილს აკონტროლებს და ის გამორჩეულად სწრაფი ტემპით იზრდება. 

ბუნებრივია, ასეთი სწრაფი განვითარება ინვესტორების დაინტერესებას იწვევს, სწორედ ამიტომაც Odoo-ში კაპიტალს წამყვანი ფონდები და საინვესტიციო კომპანიები აბანდებენ, მათ შორის: Google, Sequoia, General Atlantic, Summit Partners, BlackRock და AVP.

‍

ბუნებრივია, ჩნდება შეკითხვა, თუ რა გამოარჩევს Odoo-ს კონკურენტებისგან? – Odoo-ს პლატფორმა მოდულარულ არქიტექტურას ეფუძნება, რაც კლიენტ კომპანიას საშუალებას აძლევს ფუნქციონალი ნაბიჯ-ნაბიჯ და საჭიროების მიხედვით დაამატოს. ამ ფილოსოფიის დამსახურებით, Odoo მეტად მოქნილი და მარტივად მასშტაბირებადი პლატფორმაა. 

‍

Odoo-ს ერთ-ერთი მნიშვნელოვანი უპირატესობა ღია კოდია, რომელიც მომხმარებელს სისტემის საკუთარ მოთხოვნებზე მორგების და, შესაბამისად, შეცვლის საშუალებას აძლევს. ამავდროულად, Odoo-ს გამოყენება შესაძლებელია როგორც ლოკალურად, ასევე ქლაუდზე, რაც ზოგიერთი კომპანიისთვის კრიტიკულად მნიშვნელოვანია.

‍

Odoo-ს ფუნქციონალი მოიცავს ფაქტობრივად ყველაფერს, რაც თანამედროვე ბიზნესს შეიძლება დასჭირდეს, მათ შორისაა:

‍

1. რესურსების მართვა

• რეალურ დროში მარაგების კონტროლი
• ავტომატური შესყიდვები
• საწყობების მხარდაჭერა
• ბარკოდებისა და ტრანსპორტირების ინტეგრაცია

‍

2. ფინანსები და ბუღალტერია

• ყოვლისმომცველი ბუღალტრული სისტემა
• გადასახადების ავტომატური მართვა
• ელექტრონული ინვოისინგი
• ბანკებთან ინტეგრაცია

‍

3. ფინანსური ანგარიშგება და ანალიტიკია

• გაყიდვები და შეთავაზებები
• ელექტრონული ხელმოწერა
• შეკვეთების ავტომატიზაცია
• გაყიდვების სტატისტიკა

‍

4. შესყიდვები

• მომწოდებლების მართვა
• შესყიდვების ავტომატიზაცია
• შეკვეთების კონტროლი და სტატუსების მონიტორინგი

‍

5. კლიენტებთან ურთიერთობა

• კომუნიკაციის მართვა
• პოტენციური კლიენტების მენეჯმენტი
• აქტივობების დაგეგმვა და აღრიცხვა
• გარე პლატფორმებთან ინტეგრაცია

‍

6. ვებსაიტების და ონლაინ-მაღაზიების შექმნა

• გამარტივებული ვებდეველოპმენტი
• ჩაშენებული სამართავი პანელი
• ონლაინ გადახდები
• ავტომატური SEO-ოპტიმიზაცია

‍

7. პროექტებისა და დავალებების მენეჯმენტი

• კამპანიების და დროის მართვა
• თანამშრომლობის ხელსაწყოები
• რესურსების მონიტორინგი

‍

8.ადამიანური კაპიტალი 

• თანამშრომლების აქტივობა და პროფილები
• დასწრებისა და შვებულებების მართვა
• შეფასების სისტემები
• რეკრუტინგი პროცესის მართვა
• ხელფასების მართვა - ქართული კანონმდებლობის შესაბამისად

‍

9. წარმოება

• წარმოების რეცეპტურის და ოპერაციების მართვა
• წარმოების ორდერების მართვა
• ოპერაციული გეგმები
• საწარმოო რესურსების კონტროლი
• ხარისხის კონტროლი

‍

10. მარკეტინგი

• სოციალური ქსელების ინტეგრაცია
• ავტომატიზებული დავალებები
• ელ.ფოსტის მართვა
• SMS-კამპანიები

‍

11. ბიზნეს ანალიტიკა

• კომპანიის საქმიანობის სრული ანალიზი
• რეალურ დროში მოცემული ანალიტიკა
• KPI-ების და შედეგების განსაზღვრა
• საბოლოო ანგარიშის მომზადება

‍

როგორც ამ ჩამონათვალიდან ჩანს, Odoo-ს სისტემა ბიზნესის ოპერირებისათვის საჭირო ყველა მოდულს მოიცავს და რაც მთავარია, დამკვეთ კომპანიას თავისუფლად შეუძლია ზუსტად ის ფუნქციონალი აირჩიოს, რომელიც მას რეალურად სჭირდება.

‍

კონკურენტი კომპანიების მიერ წარმოდგენილი ERP-პლატფორმებისგან განსხვავებით, Odoo-ს მომხმარებელს არ უწევს მისთვის არასაჭირო მოდულების ინტეგრაცია და ზედმეტი ხარჯების გაწევა, რაც, საბოლოო ჯამში, რესურსების დაზოგვას იწვევს.

‍

აქვე, ორიოდე სიტყვა იმაზეც უნდა ვთქვათ, თუ რა სარგებელს იღებენ Odoo-ს მომხმარებლები: ოპტიმალურად განაწილებული რესურსები, დაზოგილი ხარჯები, გაუმჯობესებული ეფექტიანობა, გამარტივებული პროცესები და გაზრდილი შემოსავლები – ეს იმ უპირატესობების მცირე ჩამონათვალია, რომელსაც Odoo-ს მიერ შექმნილი ERP-სისტემით აღჭურვილი ბიზნესები იღებენ. 

‍

მართალია, მრავალფეროვნება, მოდულარულობა და მოქნილობა Odoo-ს მთავარი უპირატესობაა, თუმცა თავად ეს თვისება გარკვეულ სირთულეებსაც ქმნის. საქმე ისაა, რომ Odoo-ს სისტემის სწორად დასანერგად და მისი პოტენციალის სრულად ასათვისებლად აუცილებელია გამოცდილი დეველოპერული პარტნიორის ყოლა, რომელმაც ზუსტად იცის, რას აკეთებს. საქართველოში, ეს კომპანია Proxima Solutions-ია, რომელსაც ERP-სისტემების დანერგვის 11-წლიანი გამოცდილება აქვს.

‍

Proxima Solutions-ის გუნდი Odoo Ready Partner-ის სტატუსით სარგებლობს და თან, Odoo-ს მიერ პარტნიორ კომპანიებზე გაცემული სერტიფიკატების რაოდენობით ქართული კომპანია გლობალურ ტოპ 1%-ში ხვდება. 

‍

ამრიგად, Proxima Solutions-ის გუნდს შეუძლია არა მარტო Odoo-ს ERP-სისტემის სრულად დანერგვა, არამედ მუდმივი ტექნიკური მხარდაჭერის გაწევა, სისტემის მოდიფიცირება და უნიკალური ფუნქციონალის შექმნა, რომელიც ზუსტად იქნება მორგებული დამკვეთი კომპანიის სურვილებზე და საჭიროებებზე.

‍